Einstakar mæður er félag kvenna sem hafa valið að eignast börn upp á eigin spýtur, með tæknifrjóvgun eða í gegnum ættleiðingu, og kvenna sem hafa hafið tæknifrjóvgunar- eða ættleiðingarferli einar síns liðs.

Megintilgangur félagsins er að standa vörð um hagsmuni félagskvenna og barna þeirra, efla samskipti þeirra á meðal og veita upplýsingar um ýmis mál sem að þeim snúa.

Einstakar mæður er mikilvægur vettvangur fyrir allar einstakar mæður til að ráða ráðum sínum, deila upplýsingum um sameiginlega reynslu og njóta samvista við aðrar einstakar fjölskyldur.

Félagskonur eru nú um 300 talsins (apríl 2025).